Turen går laurdag 2. september med start kl. 10.00. Vi tilbyr overnatting og felles middag på Tørvis Hotell fredag 1. september.
Om denne toppen, Molden, kan vi fortelle om flott utsikt til store delar av indre Sogn og mot Jostedalsbreen og Jotunheimen. Få toppar med så lett tilgjengelegheit kan vise til liknande panorama. Over 100 fjelltoppar opp til 2100 meter.
Vi vil gå den same traseen som vert nytta til «Molden Opp» - eit årleg motbakkeløp til toppen Molden (1116 moh.).Løypa startar ved Tørvis Hotell i Marifjøra ved Lustrafjorden, den er ca. 7 km og har 1.116 høgdemeter.
Turen opp til Molden (1116 m.o.h.) er den mest populære, og gjev kanskje den flottaste utsikta i heile Luster. Her har du panoramautsikt til fjorden, Breheimen og Jotunhemen. Løypa er særs variert både med omsyn til underlag og stigningsprosent. Etter om lag 1,5 km (og 110 høgdemeter) på brei turveg/ traktorveg/ grusveg, går løypa på sti oppover i skogen med store variasjonar i stigningsprosent; mellom 5 og 25 opp til stølsområdet ved Svolsete 775 moh.
Frå Svolsete og opp mot mål går løypa i lett fjellterreng, men med nokre bratte kneikar. Opp mot toppen er det flott utsyn sørvestover mot Hafslo, nordvestover mot Gaupne, Jostedalen, Jostedalsbreen og nordaustover mot Lustrafjorden, Skjolden, Fanaråken og Hurrungane i Jotunheimen.
Alternativ tur:
Dei som ynskjer å gå ein kortare tur til Molden kan ta ei anna rute. Ein køyrer då opp til Mollandsmarki (ca 500 m.o.h). Frå parkeringsplassen er det 4 km og 600 høgdemeter opp til toppen. Denne turen starter i lett skog- og lyngterreng med sti og skogsbilveg. Etter 1 km tek moltemyrane over, og omtrent halvveges kan du slå rast ved den nedlagde stølen Svarthiller.
Her kan du sjå rett ned på den irrgrøne Lustrafjorden og Ornes med Urnes stavkyrke frå 1100-talet. Frå Svarthiller er det slutt på skogen, og etter kvart vert underlaget stein og morene. Lett gange ca. 2 timar (denne ruta kan også vere eit alternativ for returen).
Det vert ikkje arrangert ikkje fellestransport til Marifjøra. Reisekostnadane må den enkelte dekke sjølv. Til turen opnar vi for at ein kan ta med familiemedlemar (familiemedlemmar må betale sjølve).
Tur til Molden - Tørvis Hotell, Marifjøra
Fredag 1. september kl. 20.00.
Turen startar laurdag kl. 10.00 frå hotellet.
Pris kroner 500 pr medlem i enkeltrom og kroner 250 pr medlem i dobbeltrom, inkludert middag/frokost. Bindande påmelding innan 18. august.
Rom type:
Hugs å krysse av for om du ønskjer enkeltrom eller dobbeltrom ved påmelding.
Berre tur:
Ønskjer du kun å være med på turen laurdag, utan overnatting og middag, kryss av for Kun tur ved påmelding.
Medlem + familie:
Ønskjer du å ta med familie noter det i kommentarfeltet ved påmelding.
Vi tek atterhald om endring av hotell.